38. Eerstens is dit 'n rugby kompetisie en nie 'n spel kompetisie nie, so as jy verwag om hier te kom bek uitspoel oor ander loop leer eers om te spel voor jy dit doen. Tweedens, as jy nie wil verstaan nie sal jy nooit nie. Dit gaan nie oor individue nie.
Dit gaan oor die opsies tot sy beskikking waaruit hy kan kies. As jy net 'n spul jong onervare manne het, maak dit eintlik nie saak wie jy kies nie- jy gaan sukkel. Die groot probleem was- waar die ander spanne uit 'n groep van 22 net so 5 of 6 sonder enige noemenswaardige ervaring gehad het en ten minste 11 manne gehad het wat 'n seisoen of so se CB agter die rug het, plus 'n paar met S15 ervaring, het Pine net vir DP( alhoewel beseerd (twee slegte skouerbeserings na mekaar waardeur hy gespeel het, waarvan een nou blykbaar herhaal het), Steggies (vroeg beseer), Wilhelm Steenkamp, Werner Kruger ( oorspeeld en met niggles), Akona en Willie Wepener gehad om mee te begin.
CJ, Arno en JJ was by die Bokke aan die begin tydens die voorbereidings, Bjorn en Chilli isvroeg beseer, ens. So ons praat van 6 ervares uit 22. Die res was bitter groen, en Pine moes sien en kom klaar. Die ander manne het so drupsgewys een hier een daar teruggekom (CJ, Arno, JJ) en selfs hul goeie bydraes was nie genoeg om die span te help lig nie, want hulle self het nog hier en daar 'n glips gehad met hantering en verdediging. Eers toe Jano en JP teruggekom het was daar 'n noemenswaardige oplewing, behalwe die Sharks tuisgame waar almal bo hulself gespeel het.
Jano en JP - net twee spelers tereg, maar ervare spelers. Dit het help kritiese gate toestop, en die tydverloop tussen foute bietjie uitgerek en kans gegee vir asem skep en tyd gekoop (drie games) vir die span as geheel om nader aan mekaar te kom en te "gel." Dit is waar ons nou is. Die bykoms van die res van die Bokbulle en beseerdes het Saterdag 'n massiewe verskil gemaak al het hulle ook meer as gewoonlik foute gemaak en verkeerde opsies uitgeoefen.
Maar kyk wat het gebeur- nie perfek nie ja, en ons moes uithaal tot die einde, maar ons kon hom deurhaak met die ekstra ervaring. Nou is dit op die dag wie die hongerste is wat sal bepaal wie die finaal gaan maak. Vir Realistix wil ek net se " get real". Ek het ook so 'n lip of twee waarteen ek my oor kan hou as ek so verkies- die (spelers) binnekring, en gerufte van onmin of gevoelens tussen hulle en Pine is nie alleen nonsies nie, dit is gewoon onwaar en onverantwoordelik, veral op hierdie stadium van die geveg. Ja, daar mag dalk die enkeling of twee wees wat voel hy moor hulle, maar dit spreek ook boekdele. Pine doen sy werk en hy gee sy bes. So ook Slaptjips en die res van die ondersteuningspan.
Ja, hy's nie altyd reg nie en ja hy maak ook foute en sal die eerste wees om dit toe te gee, maar mense, julle hap lugborrels as julle dink hy is nie die regte man nie, en as julle nie oppas nie sal al daai borrels as suur winde in jul eie gesigte opgebreek word as gevolg van al die onverantwoordelike snert wat julle kwytraak. You go, Pine!!!!!!!!!!!!!!!!!!!!!!!!!!!!!!!!!!!! Maak ons trots ten spyte van die kritiek en bring die CB huistoe waar hy hoort.
Posted by Crit on 16 October 2012 17:21