27: Dino, dit lyk my die Bulle besluit vooraf op 'n gameplan, en dan speel hul hom uit, geen nie om wat die wedstryd situasie is nie, en dit is baie jammer.
'n Span moet kan aanpas soos
a - die wedstryd ontplooi, en
b - soos die ref blaas.
En dit is lyk my iets wat ons nie reg kry nie, ons bly by 'n plan al werk dit nie. Hoe kan jy met 5 minute oor die bal wegskop, en dit nog swak ook doen. En as ons nie 'n FDP het nie, moet dit dan nie probeer nie ! Kies dan 'n ander wedstrydplan wat ons spelers se sterkpunte pas, soos vir Hougies wat blitsig en vinnig om die loskrum kan wees AS ons vinnig speel (kyk na sy drie teen Tahs).
Toe Lawrence nie die Chiefs geblaas het vir onkant kom met ons goeie dryfbewegings nie, moes ons besef het ons moet vinniger speel, vinniger by die afbreekpunte, kyk bv na Basson se goeie drie. Maar, wat doen ons by die afbreekpunte die laaste 10 ? Stop, wag 'n minuut, dryf een een, geen vinnige balle nie, geen slaankrag, wag net vir Chiefs om foute te maak wat toe nie gebeur nie (en wat die Stormers ook nie gaan doen nie).
GROOT verskil tussen vorige super kampioen Bulle spanne en laasjaar en hierdie jaar se spanne, is dat ons bench tans of geen impak maak nie, of 'n slegte impak maak (in 2007,2009, 2010 was dit juis ons sterkpunt). Gaan ons dalk nog 'n jaar of twee vat om daardie diepte weer te bou, daarom moet Ludeke sy plaasvervangers spaarsamer gebruik (behalwe beserings natuurlik).
Ek weet vir die manne wat altyd net oor optimisties is (en dan onrealisties raak), is dit so bietjie pynigende proses wat ons nou hieroor skryf, maar partykeer is dit nodig om so bietjie diep te sny sodat daar op die lang termyn gesondheid kom.
So byt vas, volgende week die hele week tyd om optimisties te wees. Nou eers bietjie tyd vir goeie selfondersoek en besinning waar ons kan en hopelik sal verbeter.
Posted by bendiebul on 25 May 2012 13:55